(ما تستاهل أحبك)
جنت أحـتار كلي من أوصف بيـك
وانساهـا القوافـي وتنتـهي أشعاري
وگبل من چنت أشوفك أنسه كل تعـبير
واحـچـي ابلا لسان وتذبل أشفافـي
وگلت بيكم شعر ما گاله گبلـي أنسان
غشيم انه أطلعت ما أفتــهم ناســي
وسفه أعلــــه الزمن باگاني نص الليل
وانته تگلي (حـــارس) تسرق أحساسي
گلبك مــــو الي مشغول ويه الـــغير
وشنـــو ذنب الگلب مجروح يا قاســي
وصــــفتك مره كعبه ومره نجمه بليل
وجـم مره گـلتلك انته أعــز ناسـي
بس هــسه عـرفتك ما دوخــن بيك
ولا ناقــوس چـذبك يـقرع أجـراسي
ولاچلمه (مــلاك ) أجيب مدري أمنين
وتصفــط علي وتــزيد مأســاتي
هــوه الحـظ ردي ما يگــعد وياك
ابيـش اتريد أگـعده بيا خلگ صافـي
خلني احـرگ أوراقي وما أفـكر بيك
وخـلني أنسه الشـعر وكتمهن أنفاسي
وروح وعـوفني وعـذرك فلا مقبـول
أشـور بيك والله وحـوبتي براســي
الأربعاء مارس 18, 2009 5:55 am
