انت عنوان القصيده

اريد اكتب قصيدة وشنطي عنوان
وبيك اتمثلت احلى العناوين
يمن بيك المحنة وبيك الاحساس
يمن حبك مثل ورد البساتين
بيك الدنيا داخت باحلى نضرات
وعشاكك صفوا مثل المجانين
يازهرة ربيع معطرة ودوم
ويالحبك جرة دم بالشرايين
يمن تحمل كلب ما يعرف يجور
شهود بهاي ماحاجة البراهين
نعم يا روحي انت وكل الافكار
واحسن فكري واني وياك محتارين
وعشكتك مو عشك نزوات لا والله
صرت مثل السكف وانت الحياطين
المحنة البيك والله اتشيب الراس
ووياك الزمن خلف نياشين
ووضحلك حبيبي الحال بالحال
دموع اتسيل واتجيوي البراكين
والك دمعي حبيبي صدك يهون
وحبي وياك صار بلاية تعيين
وشوكي وياك صدك صارلة هواي
اكثر من عمرنا وصارلة اسنين
جنت بية اكولا انت ما حسيت
برسالة الروح اوديلك عناوين
*********

شكرا على الشعر الجميل والرائع
تحياتي