اروع ابوذيات اتفضلو اقرووووا وادعولي

السلام عليكم ورحمة الله وبركاته

شفت هذي الابوذيات وعجبتني كلت اكيد راح تعجبكم

تفضلوا

يروحي بطلي المعاشر وعودي
سباني ونحل عضامي وعودي
انا الما خنت مره وعودي
عجب ليش الحبيب ايخون بية

الطبع بيه الخيانة هم اخونه ؟
مهي حسره بدليلي هم اخ ونه
صديقي وهم حبيبي وهم اخونه
لگيته بزادي حط سموم حيـة

على خدي نزل دمعي ونشفه
دحط ايدك على كلبي وانا اشفه
اذا منك تجي شفه وانا شفه
نموت اثنينه بالحب سوية

ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟

انا الواضح والمبين و لا خاف
انا المارجفن جتافي و لا خاف
واني المانقص وزني و لاخف
اختفيت وخفت خف وزني العلية

ايام العسر الله كفاك شرهن
وانا ايامي على العاگول شرهن
رهنت بيتي وجهالي بعد شرهن
ولكيتك ضدي متراهن علية

طحت والكلت مد ايده....جريدة
وصرت من النخل جني.....جريدة
حبيبي اذا يحب يقره ....جريدة
الجريدة تكوم تقراله القضية

احبك وشتهي رسمك وعيناك
جنت وسط العشق غافي وعيناك
عيون الناس تسحرني وعيناك
تراويني القهر والضيم هية

جنت يمي يخايب وين غطيت
وانه ياما بشتاك شكثر غطيت
انه بحرك غصت يالغالي غطيت
انه الغركان ما تلحك علية

يدنيه بهمي وبشكواي حسي
وعن وجهي غبار الضيم حسي
اريد اصرخ واصيح بعلو حسي
لمن انتي تحسين يادنياي بية

سفينة نوح موطنة وقارب
جمع مابين اصحاب و اقارب
ترة محفوض موطنة وقارب
العرش صبح اومسية

اتعارك ياترف لاجلك و طك طك
وللحساد حرمل احنه ن طك طك
وتراني افرح من تمرني وا طك طك
اصبعتين من تنشد علية

طحت ولاحيل بية انهض ولاگوم
ولاخوان وگفولي ولا گوم
ولاني صلح وي دنياي ولا گوم
اراضيهة وترد تزعل علية

» ابوذيات جميله
» اروع ابو ذيه
» ابوذيات الشاعر عمر البياتي
» ابوذيات روعه ادخلو وشوفو
» اروع ثلاث ابو ذيات