عطاشانك

عطشانك؟
ادك بابي اعله روحي وكلي الك ملهوف
وكون انته التدك بالباب كـــــــــــــــــون انته
جاجيتك ركض وبروحي احطك روح
والباب اعله مــــودك كلـــــــــــــــــه جاشلته
الهوه عندي من اشمك ياهونته
وتهـون بعين خلك ياهونتـــــــه
ادك بابـــــــــــك تكلي باهونته
انا البابك عمه عيونه اعله اديه
يالعشتك حلم عشرين عمر صباي
وبطــــــــولك حلــــــــــــــم عشريني راوسته
مفطوم اعله طولك سوله بالمفطوم
عينه لصــــــــدر امه وهيــــــــــــــــه فاطمته
عطشانك فرح والفرح كلــــــه اوياك
شيضرك ولـــــــــو لوكلبي فرحتـــــــــــــــــه
صفاني الدمــــع ومنين اجيب ادموع
وابجيلك حـــــــــزن واستعطفك حتـــــــــــــه
عميت وكمت ماوجـد وظليت
طريجي وايست منك وظليت
اعالج بالنفس عكبك وظليت
تجي وبيدك تنكط الماي اليه
علمنـــي الكلب شنهو انته من اشتاك
وانــه اعلــــه الصبر والتكــــــــضي علمته
وعلمني الجدم لــــوجل اجيك زحوف
وعنك هالجدم مايــــــــوم كصرتــــــــــــــه
اشبده وشوكك لخلك منجفيته
وعليه شكلت بالله منجفيتـــه
سهم غدرك كتلني منجفيتــه
بدليلي ولاخطه من اكبل عليه
تانيتك عمر وبجفـــــــي شلتك عود
ولعودك امس دم كلبـــــــــــي رخصــــــته
وداريتك غصن وبسدي جنت تلوذ
ظــــــــــــل اوياك اشبن واحترك سكتـــــه
كـــــــل بارح يمرك انه الك نيسان
وانته بنص خريفك كلبــــــــــي يتمــــــته
حلم جان بخيالي مرعشتـــــــه
ودفه ضلوعي بغيابك مرعشتـه
رعش كلبي وعرفته مرعشتــه
مورعشه صحوة موت رعشة دليلـــي
ومن شفتك من بعيد كمت اعله حيلي
وناطرتك فجر واسمك نهايــــــة ليل
ينطر الفجــــــــر متكلي جايمــــــــــــــــته
لاباجر يجـــــي ولاليلي عني يروح
وبعيني الصبـــــــح مطويه سالفــــــــــته
ميت وشتظن اقتنـــــــع من يعيش
وانه الكبليته وبيـــــــدي جفنــــــــــــــته
بصليل اشتاي واشتاكك دفنته
دحن دشتاك لكليبي دفنتـــــــه
وجوب الميت عالمسلم دفنته
ونا الميت عليك شلون بـيـه

يسلمووووووووووووحبي شكررررررررررا