راهب لو صفن@@روما@@

راهب ...لو صفن

حبيبي وياحبيب يشبهه بالكون
شناشيل بحلاتــه وطــــــــــــوله سياب
جيكور اعله طوله مفصل فصال
وحداثه اعله الدرب خطــــواته تنساب
بويب بكل فخر يسجدله لوفات
واناشيدالمطر تبجيله لــــــــــــــو غاب
من ارموشه خله اوتار للعود
وعلــى همس الشفايف غنــــه زرياب
حلوكلش حلو وكل لوله مابيه
عمــــــــي اللولــه بينه وبينه الاسباب
نعاين عالسمه ونتاني الهلال
وهـــــــــــــــــوه بجامعتنه ولازم الباب
لذلك عيد كـــــــــل ايامنه اوياه
مناره تكول طولــــــــــه وعينه محراب
اول علــــى البصره بدرس العيون
اخذ مـــــره امتحن مـــن ميه الف جاب
لطوله الهندسه أخذو قياسات
وصلـــــــــــو للخصــر غلطو بالحساب
اذا مــــره وكف بالتربيه تشيل
وعليه تصير عركــــــــــه بنص الاداب
راهب لو صفن والجامعه الدير
شاعر لوحجـــــــــــه وبالصوره جذاب
اعد من يبتسم طلابنه تصيح
واذا عـــــــــــــاد وضحك ماتبقه طلاب

يسلموووووووووو شكرا حب

شكرا لك على الشعر الجميل والرائع
تحياتي